OCEAN PARK HALLOWEEN BASH

Hey:) am ledschde Fritig abig bini mit de Kim, Vincy und Crystal in Ocean Park will mr sho am halbi 11i schuel usgha hend.. Ocean Park isch so en zimli grosse Vergnuegigspark wos aber au na Tierli het, vorallm hald Fisch und Pinguins und so :) Am Fritig ish de erschdi Tag gsi wo Halloween da afangd im Ocean Park. Das heisst es het viel so haunted houses gha und so.. Nid so miis wili vil z feshd angshd han haha. Aber ich han mich i eis getraut. so stolz uf mich haha. :D Aber denn am Abig ischs na schlimmer worde will ueberall uf de strasse hets so vrchleideti maskierti geister und horrorfigure gha wo dich vershreckd hend und dich verfolgt hend.. buhuuu. S shoenshde ish eigli mit dene göndeli fahre.. d ussicht ish sho efachd krass schön. De Ocean park bestaht us 2 Teil., eine ish unedra amene chline Berg/ Huegel und det sind so Tierli und haunted houses und so shows und so denn uf de andere siite ufm huegel obe sind achterbahne  . Det ufe chund mr mit dene Goendeli oder mitmene spezielle Zug.

Mir sind den erschd eppe am 12i heicho und das isch wuerklich e rise grossi Usnahm da fuer dii meischde HK shuelerinne. Will normalerwiis blibed die efachd imer dihei und lueged Fernseh. oder mached Ufzgi.. Aso weni morn ide Schuel mini classmates frege was sie das Wuchenendi gmachd hend denn chani sho zu hundertprozent sege dassd antwort wird 'homework' sii.. aber ish au verstaendlich bi dem druck da..
ich mun ezt nachli go lerne wili morn mis ershde mathe quiz han..

vieli Liebi Gruessli oiri Deliah

sunday night

I thought I would try to write some of my blog posts in english since some girls were telling me that they wanted to read my blog so they even tried to translate the german into english which wasn't possible of course cause it was swiss german.. So I try to do at least some of the short posts in english :) ( like this one )
Saturday evening  my host family took me to Tsim Sha Tsui for dinner. We went to a typical hong kong restaurant which serves breakfast the whole day. you always get maccaroni or spaghetti which swim in water or soup with ham or barbecue pork (my favorite..:) ) and u also get an egg and toast. really simple but actually quite good! it was a funny experience to see how a restaurant like this works..everything has to go super fast. If they think u're finished with eating they will just take away the plates and start cleaning the table. So u feel uncomfortable and want to leave as fast as possible. Always in a hurry.. hong kong style.
 Afterwards we went to cocky bar. The view was amazing..!
Probably the most beautiful thing I have seen in HK so far. Then they surprised me with a birthday cake ( my bday is tomorrow.) Best location ever to celebrate.
ps : I wanted to include a short video but it didn't work that's why I posted it on facebook..
here's the link to it :
http://www.youtube.com/watch?v=7LeM3j9Yn5w&feature=g-upl

D.

FIRST WEEK OF SCHOOL

daughters of mary help of christians siu ming catholic secondary school



my school uniform:)




my hostsister and me infront of the school



dim sum for lunch

stickerphotos!!




chinese dinner at home.



Hallo mini Liebe.:) Ich han bis ezt na nüt imin Blog gschribe willi mich nid so ide Lag gfuehlt han zum vomim Lebe da zbrichte, wie ja vieli vo oi warschinli wuessed gahts mir nid bsunders guet. aber ja han denkd es isch ezt mal Ziit dasi chli eppis verzelle willi ezt scho mini erschdi Schuelwuche verbi han und idere churze ziit woni sho dabin scho viel glernt han. Aso am Mentig isch min erschde Schueltag gsi.. Ich bin brav am sechsi ufgstande und han mini Schueluniform agleit und mini Haare schön zruggbunde wies gwuenschd wird.. ( d haare derfed nid d augebraue oder ohre beruehre..) Den bini mit minere Gastschwöschder uf de Bus, zum Glück chani immer mit ihre id Schuel suschd wäri zimli verlore da idere grosse Stadt wo für mich im Moment na alles glichig usgsehd. Will mich es paar vode Kim ihrne Kollege hend wele kenelerne hemmer die denn zum Zmorge troffe. Im McDonald. Ja, ich weiss, dönt zimli grusig...

Ide Schuel acho hemer ois ufm Pause/Sportplatz woner dobe ufm erschde Bild gsehnd mösse klassewiis imene Reiheli ufstelle. Klass nebet Klass, Schueler hinter Schueler. Ich han mir den vorgstellt dases vo obe sicher na zimli luschdig usgsehd, alli zemebundeni schwarzi haare ide glichige Uniform und den ich irgendwo zwuesched ine mit blonde Haare. :D
Aso ufallfaell wartetmr den bisd Schuelglocke luetet und es isch mucksmauschenstill und den ertöönt Stimm vode Rektorin wo ganz vorne ufemene Podest staht. Faschd scho chli angstiflössend we unterworfe mer sich denn fühlt.
Denn wird gseit welli Klass zersch dörf id Assembly Hall laufe und wo genau sie dure gah mun. und den folgt ein Schueler em andere schöön imene Reiheli bis am Schluss alli Klasse ide Halle sind. Ich han den usnahmswiis derfe witerfuehre sitze wili han mösse ufd Buehne und mich vor allne vorstelle.Ja, ich han mich vor über tuusig Schueler uf de Bühne mösse vorstelle.. Und die wo mich kenned wuessed ja we gern ich vor Lüüt stahn und rede..

Nach eppe 2 Stunde Motivationsrede we guet mr mun sii zum id Universitaet cho und was richtig und falsch isch, hemmer den derfe wieder em Reiheli nah id Klassezimmer..Und det isches den wiiter gange mit Motivationsrede und Awisige und allem zum allne Meitli zeige was ihres Ziel isch. D Abschlusspruefige im Jahr 2016.. Und wasmr alles chendi mache anstatt sini Ziit uf Facebook verbringe und all das. Was die wahre Wert sind im Lebe, weviel Stund mr am tag mun lerne zum eppis erreiche. Sho nach 20 min hani gmerkt we wahnsinnig Glück mir alli ide Schwiiz hend..Also sind froh und gnuesseds lockere Schuellebe ide Schwiz!:)

Mini Klass isch eiglich sehr nett zu mir gsi, aber sie sind alli 3 Jahr jünger we ich.. Aso so 13/14ni.. Und ihr wuessed ja warshinli wasmr sowiso scho seit ueber chinesischi meitlis. Sie seged so chindisch. Und ich mun das scho zimli bestaetige, natuerlich nid alli glich, aber scho zimlich. Aber nett! Aber de Altersuntrschiid zu mine classmates isch scho na gross.. Ich bin ezt we s Vorbild für die und mun luege dasi alles richtig mache. Das muni sowiso will mich jede im Schuelhuus kennt.. Wennich durs Schuelhuus laufe winked mir mega viiel (ich chum mir sho fashd vor we d queen oder so.. ) und seged 'Hi!' und kichered. Oder ' u look like barbie' oder we hübsch ich doch seg ( und wennn ihr mini Augering und alles würed gseh wuessdedr dassi definitiv nid so beautiful usgsehn. ) Und ich stahn sowiso nid gern im Mittelpunkt aber ja das muni ezt hald mal fuer eis, zwei Mönet vilichd ertraege.   Aber es sind eiglich all lieb zu mir und wend mini Fruende sii.( da heissts na shnell mir sind ezt fruende wemer sich eimal begruesst het.)

Die Wuche hemmer vorallem viel Ziit ide Assembly Hall verbracht wills uuh  mega viel Vortraeg ghaltet hend und Motivationsrede und all das. Das isch immer uh langwilig gsi. Mr fühlt sich zudem au immer beobachtet, zum einte vom Klasselehrer wo mitm strenge Blick luegt dass au alli Haare richtig sitzed vode Meitlis, dass au ja niemerd shlaft ( willl das passiert sehr oft ) und dass nimerd s handy benuetzt und all das, denn zum andere vom Papst.. wo eim vorwurfsvoll vomene Bild ade Wand nebed de Bühni aluegt als het mr epis verbroche. Asso im grosseundganze fühli mi nanig so wohl ide Schuel aber ich mun mich hald efachd na dra gwoehne.

Ich hoffe oi gahts allne guet und ihr gnuessed de schöni Herbst ide Schwiiz während ich schweiissbadet dur Hong Kong stresse ( alli stressed da nume, alles mun shnell gah, ziit ishs allerwersvollste)..
eui Deliah.