CHEUNG CHAU

my class..3E

the biggest and best fishballs ever!!

FRIED ICE-CREAM!! JUMM...

iiih ich hasse die Läde wo so tröckneti grusigi sache verchaufed.. das stinkt so feshd :-O

mhm.. bechunt mr gad hunger, oder?



Instant pictures!! sind da uuh beliebt und ich bechume den imer es par gshenkd über:)



Am ledschde Fritig hani 'school picnic' gha. Die ganz Form 3 isch zeme uf Cheung Chau gange. Das ish e chlini Insle öppe 45 Minute vo Central mit de Ferry.. mir hend ois am 8i am Morge bim Ferry Pier troffe - natürlich in PE Uniform.. Dasmal sind grosszügiger wiis au HELLBLAUI jeans erlaubt gsi.. Ish immer chli unfair will während ich schwarzi hose träge dörf willich d ustushshüelerin bin werded anderi zemegshisse und bestraft wils es bizeli düünkleri als hellblaui jeans träged.. Naja, ich dörfs ja au es birebizeli usnütze de exchange student zsi :-D. Han mich na zimlich gfroit uf de Usflug will ich immer gern neus gsehn da und soviel we möglich will kenelerne. Womr usde Ferry usgstige sind hani sofort gmerkt dass es da e total anderi Atmosphäre ish als in Hong Kong selber.. Es ish viel friedlicher und alli Lüüt fahred mitm Velo umenand dur die chline strössli.. D Luft ish au viel frischer und besser. Kei Hochhüser sondrn efachd nume chlini herzigi Hüsli. Mal e netti Abwechslig gsi für en Tag. :) Nachdem mer acho sind simmer an Strand und hend ide Klasse gspilt.. Aso würklich gspillt.. So sache womir vilichd mit 8i, oder 10ni ide Pfadi gspilt hend. Isch zimlich langwilig gsi. Aber de Strand ish sehr schön dete und adem Tag hets schöön gwindet.. perfekt für mich! Nach de Spili hemmer 2 Stunde chene selber chli umenandlaufe. Uf das hani mich sho de ganzi Morge lang gfroit will ich gwüsst han dass Cheung Chau bekannt ish für megagrossi und uuh feini Yüü Daan ( Fishball).. Und sish würklich uuh fein gsi!! :D Det hani zum ershde mal au fried ice cream probiert! Wie chamer glace frittiere ohni dases sofort shmilzt .. hmm ich chan mir das irwie nid vorstelle aber ufalfäll gahts und es ish göttlich!!! :). Sushd viel zmache det giz nid würklich aber es ish spannend gsi zum mal so e anderi Siite vo Hong Kong zgseh! Bevor mr den wider gange sind hani na für mini Gastfamilie fishballs kaufd dete für de Hot Pot womr s ershde Mal gesse hend adem Abig. Das ish epis uh wichtigs da im Winter.. Im grundgna ish Hot Pot so we fondue chinoise.. Efachd besser! :D

jetzt wirds langsam au chli chälter (21 grad haha) und ich bin au sho s ershde Mal chrank gsi ezt..

Den hani natürlich sooooofort  mösse zum Doktor wege mim Halsweh und han defür gad all die Pille becho :

und das alles für echli halsweh und chli verchältet. hm.. typisch china würi mal sege.

Morn derfemer au endlich Winteruniform alege.. au wen die zimli beshisse usgsehd bi mir..so wed Polizei da sind Farbe..  hauptsach es biz wärmer..au weni immer na mun bluti bei ha - das hassi! haha
Ezt sizi gad vorm TV und lueg mit minre Gastshwoeshder es bizli Toys Story 3.. Mal en film wo nid s gfürchig ish für sii..(sie het angshd vo allne mögliche film. ahaha)Au wenn ich de film irwie gfüerchiger finde we Horrorfilm.. aber ja. das ghört ezt eigli nid so zum Thema vodem Blogitrag. :D
Sett eiglich gli mal is bett aber meishdens chani immer ersh rechd spaat is bett will ebe d kim na lernt und sushd s liecht ahett.. naja.. irgendwenn wirdi shona lerne mit liecht zshalfe.

oiri Deliah

CHUNG YEUNG & MID- AUTUMN FESTIVAL

Hallo mini Liebe :)
jetzt chumi endlich dezue epis über d Festivals zschribe woni da scho erlebt han.. Zwar sho sehr verspöted aber immerhin :D

Aso mis erschde Festival da ischs Mid-Autumn Festival gsi. Das isch das Jahr am 30.9. gsi. Im Grundgnah wird denn de Vollmond gfiiret. Obwohls zwar öfters Vollmond git im Jahr wird das nume einmal gfiiret. Für d chinese staht de Vollmond für Vollständigkeit vode Familie und Fründe. Das bedütet die ganz Familie chund zeme und mr firet zeme dassd Familie komplett isch. Nach dem treffed vili Jugendlichi na ihri Fründe und gönd mit dene an Strand und bestuunet de Mond und spiled mit Cherze.. Mir hend zershd mit de ganze Familie gesse und denn bin ich mit mine Cousine an Strand gloffe mit Lampione ide Hand und lüchtende Neonbändeli um de Hals und Arm. Je nöcher mer denn an Strand cho isch desto meh Cherzli und Lüt mit Lampions hetmr atroffe.. Am Strand isches würklich wahnsinnig wunderschön gsi! Alli Lüüt hend mit Cherzli oder mit dene Neonsticks chlini Kunstwerk baut und praktisch de ganzi Strand het ih vershiedene Farbe glüüchtet. Wunderschön! Au de Sinn vodem Feschd findi sehr schön au weni adem Abig natürlich speziell mini Familie vermisst han.

oises Cherzlikunstwerk :-) ( Golden Beach Hong Kong )

Am 23.10. hani den mis 2. Festival erlebt, s chung yeung festival.
Bi dem Festival gahts drum die verstorbene Familiemitglieder z'ehre. Immer um die Ziit wo das Festival isch gaht die ganz Familie zeme go s Grab vo de Verstorbene bsueche.. Mir sind ziemlich am Morge früeh gange demits möglichst wenigi Lüt het bim Grab, aber au scho den hets sho zviel gha so dass d Polizei ois verbote het mitm Auto de Berg duruf fahre.. Aso hemer mösse, mit ganz vielne Seck volle Sache, de Hügel duruf laufe.. Puuh. Aber es het sich würklich  glohnt! D Gräber sind den ganz wiit obe am Hang und mer gsehd auna über Hong Kong. Serschde womr ufgfalle isch woni die erschde chinesische Gräber gseh han isch gsi dass alli es Föteli vode Person druf hend.. Das hani persönlich echli komisch gfunde aber ghört sich da hald so. Denn womr bim Grab vom Grossvater acho sind hend d Männer afange Unchruut zupfe zum s Grab schön zbhalte während mir Fraue Sache zum verbrenne parat gmachd hend.. Mini Gastmuetter het mir den erchlärt dass sie ganz viel Papiergeld verbrenned und de Gedanke dehindr ish dass  all das ''geld'' womr verbrennt epper wos würklich bruche chan als echts geld bechund. No schöni Idee eiglich.. Den verbrennt mr au na luschdigi sache so we Papierazug und Papier Louis Vuitton Schueh.. haha.
D Chinese glaubet übrigens die meischde nid  a Himmel und Höll.Sie glaubed dass wenn öpper stirbt dassr under d Erde chund und dete vores Gricht. Bidem Gricht wird denn witer bestumme weviel Jahre er na mun 'nahole' biser vo sine gmachde Fehler lernt.. Wenn er denn irgendwen ganz rein zruggchund denn wird er en Buddha.
Nachdem mer alli na 3 Räucherstäbli ( 3 Stäbli für 3 Wünsch) bim Grossvater sim Grab mit verbüüge inegsteckt hend, hemmer ois den au wider uf de Heiweg gmachd und sind den bide Grossmuetter dihei di mitbrachte Opfergabe selber go esse.
So en Grabbsuech giz da 2mal im Jahr, s einte ish ebe Chung Yeung Festival unds andere Ching Ming Festival weles eiglich genau s gliche bedütet.

arms säuli.. :(

seeeehr arms säuli :((.. mengisch wirdmr s esse denn doch chli zu chinesisch..

OH UND ZUM SCHLUSS NA....

     
.. ich bin ezt offizielli Hongkongianerin oder Hongkongerin oder wemer das nennt.!!
Obe a mim Name staht min chinesische Name : 

 

楊希 = YEUNG HEI.
yeung isch min familiename und hei isch min chinesische name wo mir mini gastfamilie gäh het, er bedütet hoffnig. passt irwie zudem ustuschjahr. haaha.:)

oiri Deliah.