SAN NIN FAI LOK! HAPPY NEW YEAR! :))
hallo mini liebe! ich chume endlich wider mal dezue es update zmache, defür mal es zimli grosses.
Mir hend da gad chinese new year holidays gha und we ja vieli wüssed hani bsuech becho idene ferie!
Also hani nebed dem dasi au na für mich noi sache bin go bsueche, we zB de Big Buddha, au derfe chli Touri guide spile und mis neue dihei zeige :D Han ganz viel Fötelis gmachd willi endlich mini gliebti Kamera zrugbecho han ( und ezt au mis macbook woni viel meh froid dra han ebis uf de blog zshribe ) also chani au oi alli es stück dur Hong Kong mitneh!
TAG 1 - Tsim Sha Tsui & HK Island
 |
| min lieblings starbucks in Tsim Sha Tsui bide Avenue of Stars mitmene super usblick uf d skyline und feriegfühl |
 |
| chinese new year decoration vorm Harbour City in TST |
 |
| Ding Ding / Tram uf HK Island |
 |
| 7eleven! Warsinli de wichtigst lade in HK.. findetmr würkli a jedere strass mindestens eine, so e art kiosk wo oft 24 stunde offe het und mer findet eigli zimli alles det:) |
 |
| Causeway Bay |
 |
| Causeway Bay |
 |
| Causeway Bay |
Am erste Tag simmer am Abig zemme na de gröschdi Flowermarket in HK go bsueche. Bevor de Neujahrfiirtäg giz öppe eis bis zwei Wuche lang Flowermarkets womer natürlich Blueme chaufe chan, aber au ganz viel spielsache für d Chinde und au chinesischi Süessigkeite. Da mir am 9.Februar det anne gange sind, das isch de letsti Tag gsi vor em Chinese New Year ischs würklich überfluetet gsi mit Mensche.
 |
| FLOWER MARKET IN VICTORIA PARK |
 |
| Chinesischi Wiehnachtsbäum! |
 |
 |
| wienr gsehnd wird au ganz schön viel schwachsinnigi spielzüügs verchauft. Aber isch intressant zum zueluege we d verchäufer meh oder weniger motiviert umeschreiet zum ihri sache z verchaufe. Für mich gsehd aber eigli jede Stand glichig us. |
 |
| die beste Ständ am Market sind natürlich immer die mit de chinesische Süessigkeite. Ich han den natürlich au na mis lieblings mösse poste für die andere zum probiere. |
 |
| mochi mochi! dumplings gfüllt mitere art sesammischig |
TAG 2 - Repulse Bay
 |
| siu mai vom tuk shop! Eis vo mine lieblings dim sums:) |
 |
| jedesmal wenmr über die Brugg lauft lebt mer 3 täg lenger |
 |
| All Lüt we verrukt am Münze is Fischmuul rüehre - für Glück |
 |
| typischs Hong Kong Resti, instant noodles, toast und dung lai za ( cold milk tea) ( da chani meh oder weeniger uf chinesisch bstelle:) ) |
TAG 3 - Big Buddah, Tai O Fishing Village & Lunar New Year Fireworks
 |
| cable car zum Buddha! |
 |
| de grösti verusse stehendi Buddha! |
Nach dem mir de Buddha bestunt hend, simmer den au na mitmene Bus zu Tai O fishing village gfahre und hend dete e chlini Bootstour gmachd. Das isch uh idrücklich gsi zum gseh für mich will ich mir gar nid chan vorstelle das da in Hong Kong so wenig wit entfernt vo dere Mega-Stadt Lüt na so lebed!
Het natürli überall nach tröchnetem Fisch gstunke, oder selli sege gschmökt.. Und isch scho würkli leider Touriste Attraktion pur, asuste wärs det richtig schön fridlich.
 |
| tai o fishing village |
 |
| tai o fishing village |
 |
| tai o fishing village |
 |
| chinese new year firework! risig und über 20 minute lang.. |
TAG 4 - HK Park, family gathering & Mong Kok at night
Hong Kong Park :
Nach Gold Coast zu mim dihei :
 |
| Golden Beach, öppe 10 minute zfuess woni wohne |
 |
| mah jong MK AT NIGHT : |
 |
| typischi essensständ mit yüü dan ( fish balls ) und zou tofu ( stinkende tofu ( ja de stinkt würkli zimli heftig)) |
 |
| street market ide nacht |
TAG 5
 |
| KOWLOON PARK |
TAG 6 - Dim Sum, Dinner with my support contact & The Peak
s allerwichtigste fast wenmr Hong Kong bsuecht isch go Dim Sum esse. Nachdem mir den öppe fast e Stund agstande sind hemr endlich en Tisch becho und ich han probiert ihne die bekanntiste Dim Sums zeige.:)
Am Abig hemmer den min Support Contact und ihri Familie troffe für en frühe Znacht imene mega kuule Market in North Point ( HK Island ) wo mr würklich so richtig chinesisch esse chan, es gseht zwar uh schmudelig us det und ehrlichgseit stinkts au es bizeli aber s essse isch richtig fein und d atmosphäre super! Isch glaubs au sehr spannend gsi für sie no e zweiti chinesischi Familie kennezlerne und sie hend de Untrshied vo ihne zu minere Gastfamilie gad sofort gmerkt.
 |
| so trinkt mer japanischs Bier da - i schüsseli wo usgsehnd we teetassene :) oh und das esse im chörbli sind übrigens hüehnlichnüü JUMMY! |
 |
Und na zum schluss s wichtigste am chinesische Neujahr, vorallem für all Teenagers : Lai si - red pocket money! Während chinesisch Neujahr chent d chinde zu de verhüratete Lüüt sege :
GUNG HEY FAT CHOI
das heisst übersetzt so eppis wie viel Glück&Gsundheit&Richtum
und dadruf mönd si dir red pocket money gäh, das ish geld i shöne rote papirbüteli ( red packets)
Vili Lüt dönt den i 1 Päckli öppe 20 Dollar oder mengi sogar 50. Da mer aber vo allne Verwandte, au wenmrs nid guet kennt oder sozege gar nöd, lai si bechund , chund den schlussendlich doch na zimli eppis zemme :) Au d Olivia, de Bogdan und Brida hend vo all mine Verwandte Lai Si becho. So herzig!
Das Jahr isch übrigens Schlange Jahr! :)
 |
| Lai Si |
Mir gahts uh mega guet! :) Im 5. Monet vomim Ustuschjahr het sich würklich alles zimli schlagartig gänderet, ich chume selber gar nanig drus wie so eppis so shnell gah chan. Ufalfäll willi ezt gar nüme hei und mir gahts super meistens! :) Natürlich freui mich uf mini Freiheit und Zimmer und Lüüt ide Schwiz aber eigli hani ezt scho s Gfühl ich will am liebste nie meh zrug. Ich liebe die Stadt efachd. Aber ich han ja na 4 Mönet Zit. au wenn das sicherlich schnell verbi gaht. Weni ezt zrugdenke ade Afang chani au scho drüber lache anstatt i träne usbreche we vor es paar mönet. Also mir gahts super! :)
Au mitm Kantonesisch hani im ledshde Monet s Gfühl dasses chli fortshritt machd. Ich han ezt sitmene monet einmal ide Wuche Kantonesisch lektion und han ezt au mis erste Characters Chindergartebüechli becho. Macht spass.
Ezt muni na es chinesischs Lied uswendig lerne will min Klasselehrer druf bestaht dassi es Solo han am Openday vo oisere Schuel.. das wird ja lustig!
HAPPY NEW YEAR!
hoff oi gahts allne au guet!
oiri Deliah
