Mir gahts sehr guet , im Moment isch au würklich langsam alles meh oder weniger verplant bisi den id Schwiz flüge..
Letst Wuche bini ide HKU gsi go bim Dütschkurs go helfe mit de Studentene mündlich üebe. D' Uni het mir uh guet gfalle, also hauptsächlich de neui Teil isch würklich schön und ich wür eigli uh gern da studiere, aber wenmr das ernst nimmt mun mr natürlich würklich sehr gueti Resultat ide Schuel ha und au viel zahle.. Ich bin würklich beidruckt gsi we guet die alli scho Dütsch hend chöne. Sie lerned sit 7 Mönet und chönd sich scho uh guet mit mir unterhalte und verstönd fast alles.
 |
| oral practice gruppe :) |
S'einzige wo jetzt gad würklich blöd isch und ois Ustuschschüeler alli trurig/hessig/frustriert macht, isch das AFS oise Pekingtrip abgseit het wegm Virus H7N9..mir sind hend ezt hald würklich Pech was das agaht.. Sie hend letst Wuche en Ersatztrip nach Taiwan vorgschlage, mir sind alli zwar nid so begeisteret gsi will mir natürli unbedingt nach Peking hend welle, aber hend ois gfroit wenigstens eppis z'ha.. Am Tag denach isch au det de ersti mit H7N9 gfunde worde..Drum wüssemr ezt nanig ebmr übrhaupt en Trip mache chend. Ois allne isch das aber wahnsinnig wichtig will mir da in HK nid we in andere Länder Camps hend oder sust d Chance hend bi epper anderem z'übernachte..Und ich glaub allli Ustuschschüeler wäred hald uh froh mal für e Wuche chli Freiheit ha vom immer meh oder weniger 'perfekt' mösse si fürd Familie und Schuel. Naja ich hoffe ezt mal na s beste, aber warschinli wird Taiwan au abgseid.. Usserdem hani zimli Angst im Moment dass mir frühner heigschickt werded will AFS gseid het : one case in HK and you will all be send back home.. Und dass ein fall in HK wird gfunde werde i de negschde 2 Mönet isch seeeeeeeehr gross.. will im Moment reised na meh mainlanders in HK ih als normalerwis will es isch so e spezielli Wuche und sie sind all da zum Gold chaufe.. shopping natürlich..die mainlanders widermal.. haha ezt redi scho we e echti HKerin..:D
Mir hend recht viel Aktivitäte mit AFS jetzt so gege de Schluss. Letste Fritig simmer inere Schuel gsi alli zemme und hend Spili gspillt und es paar Vorträg ghalte für d' Schüeler det.
Eigli isch das so det zum echli d'Kultur teile, und da gsehndr mal ufm Video we das den so usechund bi ois.... haha
 |
| Matteo und ich viel beschäftigt am Fötelis mache mit Chinesine |
 |
| Mc Donalds.. 1 Menue für 3 Franke.. und glace für 70 Rappe.. muss hald immer mal wider si. :D |
Ich han gad es schöns Wuchenendi gha mit minre support contact familie! Die sind efachd sooo lieb und ich bin so wahnsinnig glücklich und fühle mich sofort dihei weni mit ihne chan si :)
Bin am Samstig mit de Imelda in Ocean Park und han den bi ihne derfe übernachte ( das isch s einzige wo erlaubt isch vode Regle, bim support contact.) Sie hend mir den ide Nacht au na megafeine Dessert zeigt und en neue District ' Tin Hau' wo würkli alles nume so ''in-restis'' anenand het und e mega gueti Atmosphäre. Hani ab ezt vor viel öfters zgah, leider nüme so viel Zit übrig.. Mun warschinlich so si dass mr ganz am Endi denn na all sini Lieblingsort findet.
Ide Nacht hani mit de Imelda 'Mamma Mia' glueget und gsunge und umetanzet, ich fühle mich würklich nieneds meh dihei we bi ihne. Det hani s Gfühl ich chan efachd mich selber si und mun mich nid verstelle, fühle mich efachd automatisch meh frei. Spöter am halbi 1 zmitst ide Nacht sind ich und de Kelvin mit de Imelda zum Mc Donald und hend Mitternachtsmenue gesse! S'erste Mal für d Imelda..
Mc Donalds zmittst ide Nacht isch würklich genial!
Han denn mit de Imelda zemme bim Bryan, ihrem Brüder, isim Zimmer gschlafe. Ich chlaus ihm immer weni bi ihne uf bsuech bin und er schlaft den irwo anderst. Er isch au uh en liebe und verstahn mich guet mit ihm :)
Am negschde Morge hani fast Träne becho wo sie extra für mich go Zmorge chaufe sind - ja es het en Zmorge gäh für mich- selbstverständlich für min support contact natürli, aber für mich isch das uh speziell.. Normalerwis giz kein Zmorge bi ois dihei ide Gastfamilie.. Ich chaufs mir jede Tag selber unterwegs efachd.
In 2 Wuche gangi mit ihne für ei Nacht nach Macau! Freu mich uh fest! Sie sind efachd super!
 |
| stärkig vor em Oceanpark! typische Hong Kong Zmorge imene HK Diner mit Imelda und Kelvin :-) |
 |
| schwöstere :) |
 |
| mini süessischd <3 |
 |
| mis neue lieblingsrestaurant in tin hau! |
 |
| Göttlichi Hong Kong Desserts.. ( ide grosse Becher : red bean, iced coconut milk, vanilla ice ide Mitti : sesamglace, jelly versteckt underemene rise backene eiwissschneeturm :-) jumm! ) |
 |
| Mitternachts Mc Donalds mit Imelda und Kelvin! JUMM! |
 |
| Fruchtstand zmittst ide Nacht.. The city that never sleeps..HK |
 |
| de Kelvin inere typische Hong Kong bakery am Zmorge poste für mich - han ihn natürli begleitet |
 |
| typischi Hong Kong bakery. Mis lieblings Brötli isch 'Bolok bau' ( undershdi reihe ide mitti) |
Jetzt gahts denn nur na 2 Mönet und ich bin scho wider zrug ide schwiz.. Wahnsinnig we schnell d Zit vergaht. Uf e art chunds mr vor we gester woni im Flugi gsesse bin und s' Abendtür gad erschd begunne het und ezt isch alles scho fast verbi, aber uf e anderi Art chunds mir au we e Ewigkeit vor und ich chan mir gar nüme vorstelle jemals wider ide Schwiz si und dete das Lebe witerzfüehre..
Ich mun au sege, dass ich zimlich Angst han vorm zruggcho. Viel meh als vorm gah. Aber ich denke mir mal das isch normal.
xoxo us HK,
oiri Deliah
