AFS camp

Anstatt Peking..oder Taiwan..oder irgendwo anne...hemmrs auna nach Lantau Island zum campe gschafft mit de AFS Gruppe ( will mir ja det sushd nie sind... ha ha .. ) Mir sind wohl die unglücklichst AFS Hong Kong Gruppe ..Naja, isch glich uh schön gsi! D Natur vo HK überrascht mich immmerwieder vo noiem! Wahnsinnig schön!

Da sind es paar Bilder vom campe :)

unser Zelt - mit Airconditioner HALLELUJA!!!!!!!!! heheh

 

Znacht imene Thairestaurant am Strand..

Dim Sum breakfast 

traditionells, alti Dim Sum chuchi

alles ipostet für BBQ

BARBECUE

Dim Sum breakfast again!

Jumm! Perfekte Abschluss!!

                                   

bis ganz gli, oiri Deliah

TSING YI BAMBOO THEATRE

Letst Wuche bini mit minere Schwöster und es paar us ihrere Klass (mini Englischklass) nach Tsing Yi ine Art 'fair' - also es 'bamboo theatre' aber eigli ischs keis Theater oder so, sondern efachd ganz vieli Ständ mit - ihr chend rate... ESSE natürlich.. was suscht. In Hong Kong gaht alles ums esse!

ich und Christy - na en frische Mango-Kokosnuss-Saft uf de Weg :)
( de Vercheufer het immer uh froid weni uf kantonesisch bstelle :D ) 

Christy und Kim im Minibus

erste Essstand - Prinzessineglace! 

 

essständ

de Stand mit de längste Schlange.. hemer natürli au gad sofort mösse usprobiere!

mhm..sehr ölig natürlich.. 

mit Ei und Fleisch gfüllt - HO HO MEI A! 

Was ich na sege chan dezue isch e intressanti Feststellig woni a dem Tag ganz definitiv gmachd han.. Mis Gastmami isch würklich so e typischi chinesischi Helikoptermuetter...
Also das ischs einzige Mal wo mich mini Gastschwöster irwo anebracht het.. Und für das het sie mössse mini Muetter sooo lang überzüge.. Und die isch nur hessig worde und het gfunde ''ok eimal e usnahm , aber nimm nid immer Deliah als Usred! '' ( was sie gar nid macht..)
Den hani de Kim ihri Besti Fründin Christy gfreget eb das normal segi und ihri Muetter au so seg und den het sie gmeind NEIIIIIII NIE! De kim ihres Mami seg uuuh streng und sie derfi nie use nach de Schuel oder ide Ferie.. Und gad letsti hends e extra Lektion Chemie nach de Schuel gha, also het d Kim aglütet und gseit sie het na e Lektion lenger.. Mis Gastmami isch misstrauisch gsi und hets Auto gschnappt und isch id Schuel gfahre zum usefinde ebd Kim au würkli ide Schuel isch..
Hani scho immer denkd dass das chli so isch aber die Sache verzellt mir hald Kim eher weniger, aber ich gspürs hald amix glich so vode Atmosphäri her..

Naja, isch immer mal schön weni den doch mal noimeds mit ihre anegahn:) Und so fairs sind echt super! S esse isch so speziell und efachd so fein!! So epis findet mr echt nie ide Schwiz oder sust irwo!

MACAO PHOTO DIARY

 Das Wuchenendi het mich mini support contact familie nach Macau iglade für 2 Täg! Mir hends uh schön und lustig gha und Macau het mir echt guet gfalle. ich han mich automatisch we dihei gfühlt fashd und au scho wider chli en schock andersch ume gha wills so europäisch isch, isch ja frühner e kolonie vo Portugal gsi, drum sind au all Strasseschilder uf portugisisch und chinesisch agschribe, nid we in Hong Kong uf englisch und chinesisch. Und d Hüser sind all so nid hööch und chli und schön gsi und au d lüt sind viel gmüetlicher unterwegs als in Hong Kong.. Macau isch ja vorallem bekannt für d Casinos.. Bin natürli in keim gsi wills erst ab 21 erlaubt isch.. Aber isch echt zimli chrank, es het au überall so läde womr sini wertvolle Sache chan verchaufe fals mr sis ganze Geld verspilt het... Und sust ischs au sehr bekannt fürs esse natürlich! Drum hend mir eigli au efachd vorallem nur gesse.. praktisch jedi Stund wider e neui Mahlzit. :-) also isch das eher es 'food diary' ...

Michelle und Kelvin, Dinner imene portugiesische Restaurant

chinesischs dessertparadis <3 ( ratet mal weviel das alles kostet het... ( 68 dollar! (= 9franke)..)

all mit roller unterwegs.. isch in HK sust gar nid üblich

da hani scho chli en schock becho.. so schöön farbigi hüser und pflegti strasse und....efachd alles, nüme so üblich für mich :D hahah

und so mini hüser und mini büs!!! :D

red bean coconut milk 

BREAKFAST (  isch ganz normal so epis zum zmorge für mich :D )
im hintergrund sind fried wonton! die mönder unbedingt probiere falsr mal nach macau gönd

hahah so gsehts immer us vor jedem esse ... mis lieblingsobjektiv für fotis : ESSE 

my favorit girl <3 hihi 

Glory, falls du das liest, diese Bilder sind hauptsächlich für dich!!! :-)haha 

 

traditionelle Glace - Lade, scho sit 40 Jahre homemade coconut and mango ice cream

 egg tarts

potugisischs esse - again. jummyy

beatles :D

Macau het 2 site, und ezt gahts uf die ander... det sind all die riiiiiise luxushotels mit casinos und so.. uf las vegas style.. ich mag das persönlich gar nid gern isch mir zu pseudo irgendwie.

city of dreams..

BYE BYE MACAU !

Chum zrugg in Hong Kong.. Scho wider go esse..

(das isch eis vode bekanntiste HK-style-Restis, also fals ihr je nach HK gönd, gönd mal det go esse :)

.. und natürlich derf de Mitternachtssnack nid fehle weni bi minre supportcontact family übernachte..

dasmal hk style noodles :)

Mit minre support contact familie fühle ich mich immer uh wohl und glücklich :) Sind echt würkli so herzigi liebevolli Lüüt! Und ich han gmerkt ich chan nume glücklich si, willi so nid nur ei neui Familie gfunde han, sondern 2.. Fühl mich nirgends meh dihei als bi ihne :)
Macau isch echt schön gsi, aber ich mun zuegäh dass ich scho nach 2 Täg HK vermisst han und woni den us de ferry usgstige bin und wider uf HK bode gloffe bin hani so es Gfühl vo heicho gha, wüssedr welles? so weni amix vo lange Ferie wieder in Züri acho bin..
Naja.:) also ich mun dringend mal go schlafe.. Morn wider id Schuel.. und s Wetter isch echt unerträgbar.. wieder schön schwitzig füecht.. und glichzitig bini verchältet wege aircon. :D haha
Ich sett eigli am Hong Kong Summer Wetter danke, das macht de Abschied wo gligli chund um einiges liechter ..
Anstatt Beijing oder Taiwan gahts negschd Wuche is Camp.. In Hong Kong.. Mir hend echt richtig Glück gha das Jahr! haha...

oiri Deliah