Hallo mini liebe,
ich bin jetzt scho es ziitli da in Hong Kong. Um gnau zsi isch hüt min 102. Tag. ( Ja, ich zelle jede einzelni Tag.) Das heisst ich han ezt sho en drittel vomim Ustuschjahr verbi. Irwie isch das sho verrukt..mr denkd uh lang dra wes den alles wird und ufeinmal ish mr den wuerklich gange und den plötzlich sho 3 mönet da..und mr chans irwie immer nanig richtig begriffe das das ezt wuerklichkeit ish. es chund mir amix vor we en traum woni drin gfange bin. nid unbedingt en shoene traum. mengisch au chli en alptraum. uf e art sind die 3 moenet uh schnell verbi gange . Trotzdem hanis Gfühl ich bin scho e ewigkeit da.. Also ich han denkd es wird langsam widermal Ziit dasi oi chli ufm laufende halte. Im Grundgna passiert bi mir zwar nüt speziell intressant nois. Also ja, eiglich isch mis Lebe da zimlich langwilig. Und damit ihr wüssed wasi demit meine hani denkd duni mal so chli en normale Tagesablauf für oi zemefasse : Also under de Wuche lüütet min Wecker immer am 6:25. Den schlüpfi schnell id Schuluniform und scho gahts usm Hus. Ich han selber nie denkd dasi am Morge nume oeppe 7 Minute bruche für alles. Was mr nid alles lernt im Ustuschjahr.. haha.Denn lauf ich und Kim ad Busstation, das gaht eppe 5 minute, denn nememr de Bus, stiged in Tsuen Wan us, laufed es Stückli und chaufed det meistens au epis zum Zmorge ufm Weg und den nememr na de Minibus bis id Schuel. Ide Schuel acho tueni mich den braaaav ufreihele und warte bises lütet und epper ufm Podium s Gebet vorseit und mir alli mönd bete. 'In the name of the father,the son and of the holy spirit AMEN! '... Den laufemr klassewiis is schuelzimmer und dete hemer zersh immer 'class teacher period'. Das bedütet im grundgna efachd das mr ei lektion mitm Klasselehrer über irgendwelchi wichtige sache redet. Min Klasselehrer ish eine wo vo vilne gfürchtet und ghasst wird willr hald sehr streng isch. Aber erisch au en luschdige! Aso zu mir ischr eiglich uh lieb und au sushd duetr lieb. Solang mr nüt böses macht isch eigli alles guet. Und suschd.. Ja.. Also wenn mr mal einmal en richtige Fehler machd denn isch eiglich die ganz Schuelziit versaut. Er het ois den au ganz gnau erchlert dases zwei arte vo fehler git. Sötigi wonr chan verzeihe ( wie zB wenmr mals buech vrgisst) und sötigi wo unverzeihbar sind ( wenmr zB gad chum ishmr us de Schuel gloffe d iPod chopfhörer usenimmt und afangd musig lose.. OK! ) . Also er lernt ois den idere lektion immer lebensweisheite. Vorallem sis lieblingsthema isch wie mr nöd zumene ''bad girl'' wird.. Wen die wüsstet weni würklich bin, den wäri warshinli s ultimative ''bad girl'' da. HAHA. Also nacher hani bis am 11:40 Schuel, den giz e Stund Lunch. Mengisch issi d lunchbox im Klassezimmer und mengisch issi eppis userhalb vode Schuel. Meischdens issi alleige und lis vilichd na chli imene Buech wili efachd sushd nüt anders ztue han. Den hemer widr schuel bis am 15:45. Hüüfig hani aber nid de ganz Tag Schuel sondrn eppe 2 bis 5 Freistunde pro Tag. Idene muni id Library oder in GP-Room. Ja, ich mun au dete blibe wens die ledshde 4 Schuelstunde vom tag sind willmr hald efachd ide Schuel ibshlosse ish bis am 15:45. Aber adas hani mich au langsam gwöhnt. Nach de Schuel gangi am liebschde schnell 'hei'. Will freiwillig lenger ide Schuel blibe? nei danke. und min schuelweg ish ja au sho zimli lang drum machi nach de schuel meishdens au nüme vil. Am 8i/ halbi 9i giz den irgendwenn Znacht bi ois und nachm znacht dueni eiglich immer de Abwasch mache und danach hüüfig na es paar Husufgabebüechli vo Nachhilfeschüeler usm Nachhilfecenter vo mine Gasteltere korrigiere. Den warti bis mini Gastschwöster fertig glernt het und ich endlich chan schlafe. Meishdens so am 11i/12i. Ich han mir aber ezt vorgno zlerne mit Liecht schlafe. Also wener gsehnd isch mini Wuche immer sehr spannend!! Nei, das wär ja alles halb so schlimm wenn mis Wuchenendi chli ufregendr wäri. Aber mis Wuchenendi ish meishdens zimli langwilig au. Am Fritigabig gangi entweder hei go esse we immer oder ich gange zu de 'bobo' (=grossmuetter) go znacht esse mit deKim..Und den tueni namal chli Husufgabebuechli korrigiere hüüfig. Und den vilichd nachli amim Laptop sii oder lese. De Samschdig isch min Lieblingstag ide Wuche und meishdens au ganz schön :) Am Samschdig isch min ''freie'' Tag. Das heisst efachd ich chan epis abmache odr sushd efachd epis selber untrnaeh. Mengisch bini den hald au allei wili hald nid würklich fründe han. aber zum Glück giz ja na AFS lüüt und min Support Kontakt. So oft wes gaht triffi den die. Ich liebe min Support kontakt und ihri Familie! Die Familie isch so herzlich und ich fühle mich pudelwohl mit ihne. Sie behandlet mich mit so viel Liebi und ladet mich immer ih und zeiged mir viel neus! :) ( Also mini Gastfamilie ish au nett, aber hald nid so herzlich und sie hend nid ganz soviel ziit zum mir neui sache zeige..) Am Samschdigabig bini den amix wider dihei und mache s übliche.. umelige und warte bisi is bett chan gah. ich lern mengish au den es paar neui kantonesishi wörter. Am Abig chani ebe nid guet weg gah. Mini gastfamilie hets nid eso gern und am afang hends hald mal gseid ich set am 9i diheime si ( was heisst ich mun eppe spötishdens am 8i gah will min heiweg immer lang ish ). Anderi Ustuschschüeler sind den in Lan Kwai Fong am party mache aber ja hey helfe sache z korrigiere isch au luschdig!... Nei ich bin ja au nid da anne cho zum party mache aber glich deprimierts mich amix echli de ganzi Abig efachd immer dihei umesitze und es machd eh nimerd epis mit mir. Mini Gastschwöschder ish ständig am ufzgi mache( ich meine soooo viel ufzgi hetsi ezt au widr ned.. ich freg mich amix wiso si immer so lang het.. ).
Sunntig isch den so meh de 'Familietag' woni nid unbedingt epis abmache sett. Was ich eigentlich nid ganz verstahne will mir sowiso nüt mached und mini gasteltere meishdens bis am 5i schaffet.Am Morge gangi den amix mit de Kim go Schwümme. Das heisst sie het Training und ich schwümme echli und gang den id Sauna und Whirpool. Das ish eiglich sho guet, mal chli ziit für mich selber in rueh. Den nacher essemr zeme epis zmittag und gönd den entweder hei ( go ufzgi mache natürlich ;) ) oder mengisch au na sushd bi ois ide nöchi noimeds anne. Und denn de Sunntigabig widr genau glichig hald we alli äbig und alles fangt den widr vo vorne ah!
Also was mich hald am meischde deprimiert isch efachd zuezluege we minii Gastschwöschder jede Abig lernt, Ufzgi macht, vorallem am Wuchenendi. Sie trifft NIE fründe. Au nid am Tag. Will den gaht sie id Nachhilf oder macht Ufzgi. Aber sie het au gar ken Drang nach Fründetreffe. Weni sie denach frege den meind sie nume : ja die gsehni ja jede Tag ide Schuel, den muni si nid au am Wuchenendi gseh. Am Abig isch sie na nie allei odr so weggsi. Einmal ish sie mit mir in Ocean Park bis am 11i. Dasishs allerershde Mal gsi i ihrem Lebe wo sie so lang dusse gsi ish ( sie ish ezt den 16). Ich freg mich den amix efach we chanmr nume so es langwiligs Lebe lebe? es ish we gar kes eigenigs Lebe.. Und ich bin froh dass ich mis Lebe in 7 Mönet wider zrugbechume. :)
Bi mir ischs imer na die totali Achterbahn. Mal gahts mr ok und ich fühlemich guet und den plötzlich gad wenis gfühl han oh jetzt gahts mr langsam besser hani wider voll es tüüf.. Aber ich mun sege dass es mir am ledschde Samschdig mir s erschde Mal guet gange isch. Und zwar en ganze Tag! Ich han mich mit de Linda us de Schwiiz troffe und mir sind zeme go gmuetlich käffelle in Tsim Sha Tsui i shöne Kaffis hööch imene Hochhus. Und ich han au efachd gmerkt wie sehr ich die Stadt liebe! Also ich wohne würklich isonere mega Stadt ! Und ich bin sho ezt sicher ich wirds au uh vermisse weni den wider gah mun. Will sho ezt ishs au chli e Heimat worde für mich. Au wens mir nid würklich guet gaht da, ich liebe Hong Kong.
Ich bin mr ezt chli am überlege wasi nach de Schuel so mache chenti demits mir nid immer so langwilig isch.
Was im Moment würklich schwirig isch und mich oft truurig und hessig macht isch dassi efachd kes wort verstahne was anderi mitenand reded. Mit mir reded niemmerd kantonesish sondrn immer englisch ( au wen mis englisch sho besser ish als das vode meiste da) und mitenand reded all kantonesish und ich sitze efachd det und denke ja mhm findi au.. Aber ja.. Mal luege we das so witergaht.
So zum Schluss na es paar Bilder vom ledschde Monet:
 |
| AFS Intercultural Fair - SWISS CREW |
 |
| Blick usm Bus - Ja, das gsehni jede Tag! :) |
 |
| alleralleralllerlieblings Restaurant! - Familie Dinner mit Popoooo <3 |
 |
| Min support contact Michelle, ihri Tochter Imelda und de Kelvin |
 |
| s allerbeschde Dim Sum mit Michelle und Kelvin! |
 |
| Sunntig Morge Dim Sum mit popo (oder bobo..hmm) und de Kim :) |
 |
| Samstigmorge käffelle mit de Linda mit super Ussicht :) <3 |
 |
au bi ois wirds langsam uuuh chald.. Winteruniform mit blute bei -> UNGMUETLICH
Ahja da fallt mir na zum Schluss eppis ih zum Wetter.. Ja ok bi mir isches eppe 16 Grad und ich finds uuuuh chald. Es chund mr vor als wärs chelter we ide Schwiz. Das chönd ihr oi warshinli nid vorstelle wiso ich so eppis denke. Aber da mir da gar nieneds e Heizig hend und überall immer alli feishder und tüüre offe sind.. und ich ide schuel es röckli und söcke ahan ishes arschchalt! Den segi zu mine classmates lieb : ' why do you never close the windows? houuuuu dong!!! ( = sehr kalt) ' und da druf bechumi vo allne d antwort : '' Because otherwise there will be no air inside..''
Und ich denk den efachd WTF?!!!!!!!!! Aber ja ich wirds überlebe, ich chenti zwar gradso guet dusse ohni Hus lebe aber ja hehe.
Ezt muni go schlafe.. Ich hoffe ihr gnüssed alli de Schnee und hend e schöni Vorwiehnachtsziit!
Oiri Deliah.. |
