my weekend!

Hoi zeme! :)
Es isch widermal Sunntig abig und ich sitze zfride imim Bettli. Das Wuchendi isch echt schön gsi und ich han mich ganzi 2 Täg guetgfüühlt JUHU REKORD ! Das heisst für mich chli dassi d hoffnig nanig set ufgaeh dasses vilichd mal den ganzi Wuchene, oder hald immer, guet isch und ichs gnüsse chan da zsi :)
Am Samschdig Morge hani zershd mösse all AFS lüüt treffe fürd rehearsal vo oisem christmas carol konzert am 21. dezember. Also mir mönd, jedes Land i sinre Sprach es Wiehnachtsliedli vorsinge ide Central MTR  station... das isch warshinli eini vode MTR stations mit de meishde lüüt. Und wenn mr hald allei vo eim land chund, ja den het mrs Glück dasmr allei derf singe.. :-D . Ich bin froh dasi na d Linda und de Philipp han. Obwohli mun sho sege, so singe isch würklich mini Stärchi.. haha. Mir singet übrigens ''Zimetstärn hani gärn''.
Nach dem bini mit de Linda widermal chli uf Tsim Sha Tsui go käffele i oisem lieblingskaffi im Hochhus 'the one' und den chli umegloffe und gredet und so :) Spöter simer den na go Znacht esse und nach dem na d avenue of stars mitemene Glace ide Hand entlang spaziert. So Moment wäred würklich perfekt.. Mir fehlt da efachd epper so feschd dassichs nid vollkomme gnüsse chan aber trozdem ischs würklich uh schön und ich liebe Hong Kong als Stadt! Weni ezt amix so d skyline vo HK gsehne den ischs eigli sho 'ganz normal' -  aber ich chan glichzitig nid ganz glaube dass das ezt mis dihei isch.
Hüt bini mit mim Support Kontakt und ihrere Familie und na mit paar anderne Familie und Ustuschschüeler s erschde mal in Hong Kong go wandere. Het mir würklich uh guet gfalle und es fühlt sich den faschd echli ah als wär mer immene Dschungel. Alles schön grüen, d Luft richtig schön frisch und e wunderschöni Ussicht!
Dasi min Support Kontakt han bini würklich richtig froh. Ich fühle mich so wohl mit ihne und ihri Tochter, Imelda, isch en rise Schaz und hebt immer mis Händli und isch efachd so süess.. De Kelvin nennt mich sini tochter wenn epper fregt wer ich bin.au weni nidmal sini ustuschtochter bin. So chlini Sache mached mich efachd glücklich..Dass e Familie so herzlich isch isch da nid ganz normal, hüüfig sind vorallem die chinesische müettere de totalboss ide familie und sind au recht 'tempramentvoll'.. und liebi wird au nid oft zeiget. was bi minre support kontakt familie aber ganz andrshd ish. drum fühli mich au so wohl mit ihne :) usserdem zeiget sie mir meh Sache da als mini Gastfamilie, was schad isch aber schlussendlich bini efachd froh dass mir überhaupt öpperd chli all siite vo HK zeiget und mich au immer willkomme heisst und sofort id Familie ufnimmt..

SAMSTIG :

SUNNTIG:

stärchig vor de Wanderig :-D



Imelda und ich



Imelda,ich,Michelle

letter boxes



friidhof im hintergrund



 mhm Möchtegernhipsters.haha. (nachm Viktor werded all die wos nanig sind nach dem Jahr natürlich d total hipsters.. ( jajaja.. hk zwingt eim ebe dezue haha))

Hungary, Germany, France, Russia and Switzerland.

 Ich hoff ihr hend au alli es schööns wuchenendi gha und de schnee gnosse während ich da bi 20 grad im trägerliebli umegloffe bin und d sunne namal chli gnosse han..( es ish übers wuchenendi plötzli wider wärmer worde, fühlt sich scho komisch ah im dezember..).
Jetzt falli müed nach 4 stunde wandere is Bettli. Guetnacht , good night, zou tau!