Ich weiss es isch langsam chli spaat für de Itrag, aber han denkd ich schriebe doch na churz drüber und zeige eu es churzes video nachdem ihr oi vilichd na es bizli besser vorstelle chönd we crazy mini klass und all die da sind :-D haha.Usserdem hani mal derfe mini Kamera usnahmswis id Schuel mitnäh und han au es paar fötelis vode Schuel mal chöne mache:) Also am 20.Dezember hemmir ide schuel e 'christmas celebration' gha. Adem Tag isch au 'casual dress' tag gsi, das heisst wenn mr het wele het mr derfe 20 HK$ zahle und sini eigete chleider id schuel alege, wobis aber widrmal tuusigi regle gäh het we kein schmuck, kei make-up, kei leggings, kei röck, kei strumpfhose, kei uffallendi spezielli sache und und und. Also isch mir das zu kompliziert gsi und ich bin den ide Schueluniform glich gange. Aber isch würkli spannend gsi zum mal mini Klassekamerade in andere Chleidig gseh! Den würket die einte gad total anderst. Zerst hemer mösse id Hall gah und hend det betet und nacher gschicht vom jesus derfe en komische youtube film dezue luege we d maria vom himmel, de luft, vo nütem schwanger worde isch und ich mich selber han chöne chli amüsiere, will die youtube filmli womr amix dezue lueged sind echd lustig für mich! So uh ernst aber efachd eher liecht lächerlich.. Ich mun mal luege ebi es bispil finde zum oi zeige. Danach hemr den na es paar wiehnachtslieder gsunge und sind den alli is Klassezimmer gange. Im Klassezimmer hets zerst mal Esse gäh womir alli mitbracht hend. Ich han mini berühmte feinschde Brownies bachet wo alli inklusivi mini Chochlehrerin da total begeisteret gsi sind :-) . Nach dem hemr na öppe eineinhalb stund ziit für spili spile gha..Wenr nachr s video lueget gsehndr es bizli we das so ablauft dete. Mir hend es spili gspilt womr es lied laufe laht und wenmr weiss was für es lieds ish mumr uf de stuehl rene und sege weles dases isch. Ich han praktish keis kennt will es ish alles kpop gsi.. die sind da würklich total verrückt nach kpop und schreiet immer sofort umenand und alles. Und wens nid kpop isch den isches Taylor Swift oder One Direction.. Und ich bin für sie ihri Taylor Swift. Also jedes Meitli mit blonde Haare warshinli .. Nach dem spili hend die vominere Klass wo gern kpop tanzed nachli umenand tanzed ( das ish au uh lustig, die dönt amix efachd so im klassezimmer odr ide lektion die shritt wo sie sich selber bibringed üebe ..) . Nacher hemer den d Schuel frühner usgha und oisi Ferie hend agfange :-D Für mich isch es spannend zum vergliche we das da isch und wes ide schwiz isch. Da spilet die uh gern na so chli chindischi Spili und schreiet umenand und alles..Sie blibet da hald lenger chind. Wasi uf e art ja au schön finde, aber oft ischs mir den doch echli zu chindish..aber sie sind sho all nett.:)
some form 6 students and me (form 6 students sind jedes jahr die wo den so sich epis irwie wiehnachtlich lushdigs aziehnd)
Hey, what have you read today???
de Igang vo oisere Schuel.. we im Gfängis haha. das isch immer zuebschlosse und wird efachd wens den am 4i uslütet wider ufbschlosse und churz ueber de Mittag, demits sushd total kontrolle hend wer zspat chund und wer frühner gaht. Es staht au immer en Wächter dete..
Das wonr da unedre gsehnd, aso de 'Unterstand' isch oisi Turn'halle'. Und hinedra sind auna gad es paar tisch womr auna zmittag esse chan oder vor de schuel anesitze.
Und ezt möndr na wüsse, das das für Hong Kong eher e sehr grossi Schuel isch... Für mich natürlich winzig im Verglich zum rychi.. Also bim ganz oberste Foti vode Schuel gsehndr ja es het 5 Stöck, aber bi jedem stock hets nume ei reihe vo zimmer. Isch chli schwirig zum beschribe, also mer chan nume ussedure laufe uf dem 'gang' dusse, und den hets efachd eis klassezimmer immer. Jedi klass het es eigets Klassezimmer so we bi ois ide Primarschuel. Nume fürs choche und näie und zeichne hemer au anderi zimmer.
Ich han gli au mal vor endlich es paar fötelis zmache und ufestelle vomim dihei da.. Isch sicher na interessant für oi:)
No comments:
Post a Comment